- Baat hi baat may

Baat hi baat may

Zehen uljhay sahi
hont sookhay sahi
yar bichray sahi
tum bhi roothy sahi

aik safar tu kata
apna gham tu bata
sukh mila shaam ka
dukh ka sooraj hata

ham nay soocha yahi
ham nay samjha yahi

dil ka naghma alag
dil ka nooha alag
dil nay dhooka diya
dil ka dhooka alag

ishq ki jheel par
dil ka sabza alag
tum ko batlain kia
dil ka qissa alag

kitna aabad tha
kitna weeran hay
aysa lagta hay ab
aan ki aan hay
ye kasak ye chubhan
is ki pehchan hay

phir bhi aao zara
dil say batain karain

baat hi baat may
waqat tham jaaye ga
tum agar hans diye
khoon jam jaaye ga